Bərdədə piyadanı avtomobil vurub

Bərdə rayonunda piyadanın vurulması ilə nəticələnən yol-nəqliyyat hadisəsi baş verib. "Report" xəbər verir ki, hadisə rayonun Şirvanlı kəndində qeydə alınıb. 1964-ci il təvəllüdlü rayon sakini Abdullayev Alı Qəşəm oğlu yolu keçmək istəyərkən minik avtomobili onu vurub. Yaralı Bərdə Rayon Mərkəzi Xəstəxanasına çatdırılıb. Hazırda yaralının vəziyyəti orta-ağırdır.

Faktla bağlı rayon polisində araşdırma aparılır.