"Beşiktaş" klubunun azarkeşlərini daşıyan avtobus qəzaya uğrayıb

Türkiyədə "Beşiktaş" klubunun azarkeşlərini daşıyan avtobus qəzaya uğrayıb. Avtosfer.az "Report"a istiandən xəbər verir ki, hadisə fanatların Super Liqanın XVIII turunda "Antalyaspor"la səfər matçından qayıdarkən baş verib. Kütahya - Afyonkarahisar yolunda avtobusun aşması nəticəsində sürücü və 7 sərnişin xəsarət alıb. Yaralılar Kütahya xəstəxanasına çatdırılıb. Onlardan 2-nin durumunun ağır olduğu bildirilir. Qeyd edək ki, matç "Beşiktaş"ın 2:1 hesablı qələbəsi ilə başa çatıb.