Betonqarışdıran maşın motosikletlə toqquşdu: 1 ölü, 1 ağır yaralı

Türkiyənin Kütahya vilayətinin Emet rayonunda betonqarışdıran maşınla motosikletin toqquşması nəticəsində bir nəfər ölüb, bir nəfər ağır yaralanıb.

Avtosfer.az HaberGlobal-a istinadla xəbər verir ki, betonqarışdıran maşın eyni istiqamətdə hərəkətdə olan motosikletə çırpılıb. Qəza nəticəsində motosikletin sürücüsü, 53 yaşlı Yusuf Macır və onun 13 yaşlı qızı xəsarət alıblar.

Xəstəxanaya çatdırılan Yusuf Macır həkimlərin bütün səylərinə baxmayaraq həyatını itirib. Ağır yaralanan qızı isə Kütahya Şəhər Xəstəxanasına göndərilib.

Faktla bağlı araşdırma aparılır.