Beyləqandakı qəzada ağır yaralanan digər qardaş da öldü - FOTO

Beyləqanda baş verən qəza zamanı ağır xəsarət alan qardaşlardan biri xəstəxanada ölüb. Avtosfer.az-ın “Qafqazinfo”ya istinadən məlumatına görə, oktyabrın 13-də Beyləqan rayonunun Birinci Şahsevən kəndi ərazisində baş verən qəza zamanı ağır xəsarət alanlardan biri – 1999-cu il təvəllüdlü Həşimov Ülvi Bariz oğlu paytaxtda müalicə olunduğu müddətdə həkimlərin səylərinə baxmayaraq dünyasını dəyişib.

Qeyd edək ki, qəza nəticəsində xəsarət alan digər şəxsin müalicəsi xəstəxanada davam edir. Hadisə zamanı yaralananların hamısı ANAMA əməkdaşı olub, həyatını itirənlər isə iki qardaş idi. Xatırladaq ki, qəzada ağır xəsarət almış ANAMA əməkdaşı olan 29 yaşlı Elvin Həşimov həkimlərin göstərdikləri reanimasion tədbirlərə baxmayaraq, xəstəxanada vəfat etmişdi. Faktla bağlı araşdırma aparılır.