Biləsuvar və Sabirabadda ölümlə nəticələlən qəzalar baş verib

Biləsuvar və Sabirabadda yol-nəqliyyat hadisələri baş verib. Avtosfer.az-ın DİN-in saytına istinadən verdiyi məlumata görə, iyulun 22-də saat 03.00 radələrində Biləsuvar rayonu ərazisində Göygöl rayon sakini Famil Məmmədov idarə etdiyi “Hovo” markalı avtomobili Gədəbəy rayon sakini Xaliq Abdullayevin idarə etdiyi eyni markalı avtomobilə vurub. Nəticədə xəstəxanaya yerləşdirilən F.Məmmədov orada ölüb.

İyulun 22-də saat 17.00 radələrində isə Sabirabad rayonunun Qəfərli kəndinin ərazisində rayon sakini Xidmət Həsənov idarə etdiyi “VAZ-2107” markalı avtomobillə yolu keçən Qaralar kənd sakini Səmədağa Nəsirovu vurub və nəticədə piyada hadisə yerində ölüb.

Hər iki faktla bağlı müvafiq qurumlar tərəfindən araşdırma aparılır.

Fərid