Biləsuvarda minik maşını piyadanı vuraraq öldürüb

Biləsuvar rayonunda piyadanın ölümü ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi xəbərə görə, hadisə rayonun Ağalıkənd kəndində qeydə alınıb. Təmkin Nəcəfzadə idarə etdiyi "Mercedes" markalı minik avtomobili ilə hərəkətdə olarkən 2004-cü il təvəllüdlü Aysun Abbaslını vurub. A.Abbaslı aldığı xəsarətlərdən ölüb. Faktla bağlı araşdırma aparılır.