Biləsuvarda qəza: 5 nəfər xəsarət aldı

Ələt-Astara magistralının 186-cı kilometrliyində, Biləsuvar rayonu ərazisində ağır yol-nəqliyyat hadisəsi baş verib.

Avtosfer.az unikal-a istinadən xəbər verir ki, əks istiqamətlərdə hərəkət edən "Ford" markalı yük avtomobili ilə "Opel" markalı minik avtomobili toqquşub. Qəza nəticəsində hər iki nəqliyyat vasitəsində olan 5 nəfər müxtəlif dərəcəli bədən xəsarətləri alıb.

Yaralılar dərhal Biləsuvar Rayon Mərkəzi Xəstəxanasına çatdırılıb. Onlardan ikisinin vəziyyətinin xüsusilə ağır olduğu bildirilir.

Hadisənin səbəbləri ilə bağlı araşdırma aparılır.