Biləsuvarda yol qəzası – 2 yaralı

Biləsuvarda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə səhər saatlarında Ələt-Astara magistral yolunun Biləsuvar rayonu ərazisindəki döngədə qeydə alınıb. Nəticədə iki VAZ-2107 markalı avtomobil qəza törədib. Qəza zamanı bir nəfər ağır, bir nəfər isə yüngül xəsarət alıb. Yaralılar dərhal Biləsuvar Rayon Mərkəzi Xəstəxanasına çatdırılıb.

Faktla bağlı araşdırma aparılır.