Binə və Buzovnada ölümlə nəticələnən yol-nəqliyyat hadisələri baş verib

Bakıda piyadanın vurulması ilə nəticələnən iki yol-nəqliyyat hadisəsi qeydə alınıb. Avtosfer.az-ın DİN-in saytına istinadən verdiyi məlumata görə, iyunun 14-də saat 13.00 radələrində Xəzər rayonunun Binə qəsəbəsində Bakı şəhər sakini Gəncəvi Gənciyev idarə etdiyi “Mercedes” markalı avtomobillə yolu keçən qəsəbə sakini Əhəd Əsədovu vurub və nəticədə piyada hadisə yerində ölüb. Həmin gün saat 13.00 radələrində Xəzər rayonunun Buzovna qəsəbəsi ərazisində Bakı şəhər sakini İlqar Fətullayev idarə etdiyi “Mercedes” markalı avtomobillə yolu keçən qəsəbə sakini Ramiz Abasovu vurub. Nəticədə xəstəxanaya yerləşdirilən piyada orada ölüb. Hər iki faktla bağlı araşdırma aparılır.