Bir ailənin iki üzvü qəzaya DÜŞDÜ: Son vəziyyətləri AÇIQLANDI - YENİLƏNİB

Sabunçu rayonu, Balaxanı yolu ərazisindən baş verən yol-nəqliyyat hadisəsi nəticəsində xəsarət alan şəxslərin son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) bildirilib ki, aprelin 30-u, saat 20:30-da Respublika Təcili və Təxirəsalınmaz Tibbi Yardım Mərkəzinə çağırış daxil olub.

"Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 44 yaşlı (kişi cinsli) şəxs, 41 yaşlı (qadın cinsli) şəxs və 60 yaşlı (qadın cinsli) şəxs müxtəlif dərəcəli bədən xəsarətləri ilə Sabunçu Tibb Mərkəzinə hospitalizasiya olunublar.

1965-ci il təvəllüdlü şəxsə müştərək travma, 1984-cü il şəxs alt çənə sümüyünün travması təyin edilib və Travmatologiya şöbəsinə yerləşdiriliblər. Vəziyyətləri stabil qiymətləndirilir.

1981-ci il təvəllüdlü şəxs isə sol bud sümüyünün sınığı və yanaşı diaqnozlar təyin edilib və Cərrahi profilli Reanimasiya şöbəsinə yerləşdirilib. Vəziyyəti orta ağır qiymətləndirilir", - deyə məlumatda bildirilir.

***30 aprel 23:55

Sabirabadda avtomobilin aşması nəticəsində qardaşlardan biri ölüb, digəri xəsarət alıb.

Avtosfer.az-ın “Report”a istinadən məlumatına görə, hadisə Çiçəkli kəndində qeydə alınıb.

Belə ki, “Priora” markalı avtomobil hərəkətdə olarkən qarşısına mal-qara şıxıb. Sürücü avtomobili heyvanlardan yayındıran zaman nəqliyyat vasitəsi idarəetmədən çıxaraq yolun kənarına aşıb. Hadisə zamanı rayonun Cəngan kənd sakinləri; 1998-ci il təvəllüdlü Məmmədov Raqif Telman oğlu və qardaşı, 2000-ci il təvəllüdlü Məmmədov Elşad Telman oğlu müxtəlif dərəcəli xəsarətlər alıb.

Yaralılar Salyan Mərkəzi Rayon Xəstəxanasına çatdırılıblar.

E.Məmmədov ağır xəsarətlər aldığından həkimlərin səyinə baxmayaraq xəstəxanada ölüb.

Faktla bağlı araşdırma aparılır.