Bir il əvvəl avtomobillə vurulan şəxs evində ölüb - Bakıda

Bakıda bir il əvvəl avtomobillə vurulan şəxs evində ölüb. Avtosfer.az xəbər verir ki, bu barədə Daxili İşlər Nazirliyinin mətbuat xidmətindən verilən məlumata görə, ötən il mart ayının 17-də paytaxtın Nizami rayonunun Çobanzadə küçəsində Bakı şəhər sakini Ülviyyə Yaqubova idarə etdiyi “Volkswagen” markalı avtomobillə yolu keçən paytaxt sakini Ramil Yusifovu vurub.

R.Yusifov bu il yanvarın 24-də evində ölüb.

Faktla bağlı Nizami Rayon Polis İdarəsi tərəfindən araşdırma aparılır.