Bir nəfər yanaraq ölüb - Masazırda

Abşeron rayonu, Masazır qəsəbəsində baş verən yanğında bir nəfər ölüb.

Avtosfer.az FHN-in saytına istinadən xəbər verir ki, yanğın gecə saatlarında başlayıb. Bu zaman vətəndaşa məxsus ümumi sahəsi 33 m² olan köməkçi tikilinin yanar konstruksiyaları yanıb. Yanğının kəşfiyyatı zamanı tikilidə 1 nəfərin yanmış meyiti aşkar olunub.

Hadisə ilə əlaqədar müvafiq qurumlar tərəfindən təhqiqat aparılır. 

Yanğın saat 02:47-də yanğınsöndürənlər tərəfindən söndürülüb.