Biznesmenin oğlu qəzada öldü – VİDEO

Moskvada “Maserati” avtomobili fənər sütununa çırpılaraq alışıb. Sürücü ölüb. Avtosfer.az Oxu.az-a istinadən xəbər verir ki, avtomobil moskvalı biznesmenin 26 yaşlı oğlu Artur Moiseyeva məxsus idi. Qəza bu gün günorta saatlarında Rostov sahilində baş verib. Yüksək sürətlə hərəkət edən “Maserati” fənər sütununa çırpılıb. Dərhal yanğın baş verib. Telekanalın məlumatına görə, cavan oğlan yüksək sürətlə hərəkət edirdi və sosial şəbəkələrdə onu pişiyinin müşayiət etdiyini yazırdı.   Federal KİV avtomobilin sahibi Artur Moiseyevin öldüyü barədə məlumat yayıb. Onun atası biznesmendir, mətbəx texnikasının ticarəti ilə məşğul olur. REN TV atanın hadisə yerinə gəlməsinə baxmayaraq, polislər tərəfindən yanmış avtomobilin yanına buraxmadıqlarının əks olunduğu kadrları dərc edib.  “Life”ın məlumatına görə, sürücünün ölməsinə səbəb yanğın deyil, açıq kəllə-beyin travması olub.