BMW işıq dirəyinə çırpılıb aşdı - Neftçalada ağır qəza - VİDEO

Neftçala rayonunun Bankə qəsəbəsində ağır yol-nəqliyyat hadisəsi baş verib.

Avtosfer.az “Bizim.Media”ya istinadən xəbər verir ki, ilkin məlumata görə, BMW markalı minik avtomobili hərəkətdə olarkən sürücü idarəetməni itirib.

Nəticədə avtomobil yol kənarında yerləşən işıq dirəyinə çırpılıb, daha sonra yoldan çıxaraq kənara aşıb.

Qəza zamanı sürücü ağır bədən xəsarətləri alıb. Yaralı təcili tibbi yardım briqadası tərəfindən xəstəxanaya çatdırılıb.

Hadisənin başvermə səbəbləri araşdırılır.