"BMW" "Toyota"ya çırpıldı: 1 yaralı - VİDEO

Bakı şəhəri, Suraxanı rayonunda xəsarətlə nəticələnən yol qəzası baş verib. Avtosfer.az arbtv-yə istinadən xəbər verir ki, yeni Günəşli qəsəbəsi ərazisində "Toyota" markalı avtomobillə "BMW" markalı minik maşını toqquşub. 

Nəticədə "BMW"də olan sərnişin Ələkbər Hüseynov xəsarətlər alıb. Yaralı təcili tibbi yardım avtomobili ilə xəstəxanaya çatdırılıb. Həkimlər onun həyatı üçün təhlükə olmadığını bildiriblər.

İlkin araşdırmalar nəticəsində məlum olub ki, "BMW"nin sürücüsü sola dönmə əməliyyatı edərkən qarşıdan gələn avtomobili gözləməyib. Nəticədə qəza baş verib.

Faktla bağlı araşdırma aparılır.