Bred Pitt qəza törətdi - FOTO

Dünyanın ən məşhur aktyorlarından biri, Hollivud ulduzu Bred Pitt qəza törədib. Olay ABŞ-ın Los-Anceles şəhərində yaşanıb. Milli.az Radar Online-a istinadən bildirir ki, 54 yaşlı Bred Pitt şəhərin mərkəzi küçələrindən birində Tesla avtomobilinin sükanı arxasında olarkən işıqforun siqnalından sonra gərəkdiyindən artıq sürətlə hərəkət edib. Nəticədə onun avtomobili qarşıdakı Nissan Altima-ya, Nissan da öndəki Kia Soul-a dəyib. Qəza baş verən kimi maşından düşən Bred Pitt əzilmiş avtomobillərin sahibləri ilə danışıqlara başlayıb. O, zərəri ödəyəcəyini vəd edib və ilkin hesablaşma edib. Bundan sonra B.Pitt zərərdidələrlə zarafatlaşıb, sonra olay yerindən ayrılıb.