Bu yolda qəzalar təkrarlanır: Bu dəfə “Mercedes”lə “Hyundai” toqquşdu - VİDEO

Heydər Əliyev prospektinin köməkçi yolunda yol-nəqliyyat hadisəsi baş verib.

Avtosfer.az-ın məlumatına görə, qəza iyulun 14-də saat 15:00 radələrində qeydə alınıb. Belə ki, hərəkətdə olan “Mercedes” markalı avtomobil yolayrıcına daxil olan “Hyundai” markalı nəqliyyat vasitəsi ilə toqquşub.

İlkin məlumata görə, qəzaya səbəb sürücülərdən birinin yolayrıcının keçilməsi qaydalarını pozması olub. Hadisə nəticəsində xəsarət alan olmasa da, hər iki nəqliyyat vasitəsinə maddi ziyan dəyib.

Qəzadan sonra ərazidə nəqliyyatın hərəkətində sıxlıq yaranıb.

Qeyd edək ki, sürücülərin sözlərinə görə, sözügedən ərazidə tez-tez yol-nəqliyyat hadisələri baş verir. Bu səbəbdən həmin yolayrıcında hərəkətin təşkilinin yenidən nəzərdən keçirilməsinin vacibliyi vurğulanır.

Nərmin