Bülbülədə ağır qəza: “Opel” ağaca çırpıldı, sürücünün ayağı sındı - VİDEO

Suraxanı rayonu Bülbülə qəsəbəsində yol-nəqliyyat hadisəsi baş verib.
Avtosfer.az-ın məlumatına görə, qəza iyunun 4-də səhər saatlarında qeydə alınıb. Belə ki, hərəkətdə olan “Opel” markalı maşın idarəetmədən çıxaraq yol kənarındakı ağaca çırpılıb. Hadisə şahidlərinin iddiasına əsasən, qəzaya səbəb yüksək sürət həddi olub. Hadisə zamanı nəqliyyat vasitəsi sıradan çıxıb, sürücü müxtəlif dərəcəli bədən xəsarətləri alıb. Yaralı xəstəxanaya yerləşdirilib. Ayağının sındığı bildirilib.
Qeyd edək ki, faktla bağlı araşdırma aparılır.

Nərmin