Çağırışa gedən təcili yardım maşını qəzaya düşdü - YENİLƏNİB

07.09.2025-ci il tarixində saat 01:00 radələrində yol-nəqliyyat hadisəsi səbəbilə 3 nəfər (2-si kişi, 1-i qadın cinsli olmaqla) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Avtosfer.az xəbər verir ki, bu haqda TƏBİB-dən məlumat verilib.

Bildirilib ki, onlara bədənin müxtəlif nahiyələrinin çoxsaylı travması diaqnozu təyin edilib.

Xəsarət alanların birinə zəruri tibbi xidmətlər göstərilib və ambulator müalicə üçün evə buraxılıblar.

***7 sentyabr, 22:53
Şəmkirdə təcili yardım maşınının qəzaya uğraması nəticəsində yaralananların adları məlum olub. 

Avtosfer.az xəbər verir ki, xəsarət alanlar Toma Ağayeva, İlham Əliyev və Rövşən Gülməmmədovdur. 

***18:35
Şəmkirdə yol nəqliyyat hadisəsi baş verib.

Avtosfer.az apa-ya istinadən xəbər verir ki, hadisə rayonun Kür qəsəbəsində qeydə alınıb.

Belə ki təcili tibbi yardım avtomobili çağırışa gedən zaman minik maşına arxadan çırpılıb. Qəza zaman təcili tibbi yardım avtomobilinin sürücüsü, həkim və daha bir nəfər xəsarət alıb.