Cəlilabadda toy karvanında qəza: Xəsarət alan şəxs xəstəxanada ölüb - FOTO - VİDEO (YENİLƏNİB)

Cəlilabadda toy maşınının qəzaya uğraması nəticəsində yaralanan şəxs xəstəxanada ölüb.

Avtosfer.az-ın "Report"a istinadən məlumatına görə, 1951-ci il təvəllüdlü Əzizağa Əhmədxan oğlu Xudiyev həkimlərin səyinə baxmayaraq, yerləşdirildiyi xəstəxanada dünyasını dəyişib.

Qeyd edək ki, hadisə bu gün Cəlilabad şəhəri H.Əliyev prospektində qeydə alınıb. Belə ki, bəy maşını olan "BMW" markalı minik avtomobili "VAZ-21015" markalı minik avtomobillə toqquşub. Qəza nəticəsində "VAZ-21015"in sərnişini, ağır xəsarət alan 1951-ci il təvəllüdlü Əzizağa Əhmədxan oğlu Xudiyev maşında sıxılı vəziyyətdə qalıb. O, FHN-in Cəlilabad Rayon Hissəsinin xilasediciləri tərəfindən xilas edilərək, Cəlilabad Rayon Mərkəzi Xəstəxanasına çatdırılıb.

Faktla bağlı araşdırmalar davam etdirilir.

**

Cəlilabadda toy karvanı qəzaya səbəb oldu.

Avtosfer.az xəbər verir ki, hadisə Cəlilabad rayonununu Uzuntəpə kəndinə birləşdirən əsas magistral  yolda  baş verib.

Belə ki, bəy maşını "VAZ-21015" markalı minik avtomobilini vurub.

Nəticədə bir nəfər ağır bədən xəsarətləri alaraq Cəlilabad rayon mərkəzi xəstəxanasına çatdırılıb. İlkin məlumata görə toy karvanında bəy-gəlin maşınını elə bəyin özü idarə edirmış.

Hadisə ilə bağlı araşdırma aparılır.