Cəlilabadda yol qəzası olub, xəsarət alanlar var - FOTO

Cəlilabad rayonunda baş verən yol qəzasında yaralananların vəziyyəti açıqlanıb.

TƏBİB-dən Avtosfer.az-ın sorğusuna cavab olaraq bildirilib ki, bu gün saat 20:00 radələrində yol-nəqliyyat hadisəsi səbəbilə 3 nəfər Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlardan 1986-cı il təvəllüdlü (qadın cinsli) şəxsə alın və burun nahiyəsinin əzilmiş sıyrıqları, 2006-cı il təvəllüdlü (kişi cinsli) şəxsə sağ dizin əzilmiş, sıyrılmış yarası, sağ qapaqaltı nahiyənin əzilməsi, 2011-ci il təvəllüdlü (qadın cinsli) şəxsə isə sağ almacıq, burun arxası əzilmiş hematoma yaraları, boyun və sol topuq nahiyəsinin əzilmiş yaraları diaqnozu təyin edilib.

Xəsarət alanların vəziyyəti kafi olaraq qiymətləndirilir.

***

Cəlilabadda yol qəzasında xəsarət alanların kimliyi məlum olub. Avtosfer.az-ın məlumatına görə, hadisə nəticəsində yaralanan şəxslər 1986-ci il təvəllüdlü Aidə Hüseynova, 2006-ci il təvəllüdlü Ayaz Hüseynov və 2011-ci il təvəllüdlü Nuray Hüseynovadır.

***

Cəlilabadda 3 nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın verdiyi xəbərə görə, hadisə yeni Ələt–Astara magistralında Cəlilabad rayonu ərazisində baş verib. Astara istiqamətində hərəkətdə olan "Toyota" markalı avtomobil idarəetməni itirib. Nəticədə avtomobil yolun kənarına aşıb. Hadisə nəticəsində avtomobildə olan 3 nəfər müxtəlif dərəcəli bədən xəsarətləri alıb və təcili tibbi yardım vasitəsilə xəstəxanaya çatdırılıb. Faktla bağlı araşdırma aparılır.