Çikaqo-Mayami reysi ilə uçan təyyarə səmada yanmağa başlayıb - VİDEO

"United Airlines" aviaşirkətinə məxsus Çikaqo-Mayami reysi ilə uçan sərnişin təyyarəsi səmada ikən yanmağa başlayıb. Avtosfer.az "Report"a istinadən xəbər verir ki, alov quşun mühərrikə girməsi səbəbindən yaranıb. Sərnişin mühərriklərdən biri yaxınlığında alov görüb və bu barədə heyət üzvlərini məlumatlandırıb. Nəticədə layner O'Hara beynəlxalq hava limanına geri qayıtmaq məcburiyyətində qalıb. Bütün sərnişinlər başqa reyslə ünvanına yola salınıb. Aviaşirkət sərnişinlərə təzminat təklif etmək niyyətindədir.