Çiyələk və gilas daşıyan mikroavtobus qəzaya düşdü - FOTOLAR

Goranboy rayonunda sərnişin mikroavtobusu qəzaya düşüb. "Report"un verdiyi məlumata görə, hadisə Bakı-Qazax magistral avtomobil yolunun 340-cı kilometrliyində qeydə alınıb. Belə ki, Aqil Qəzməliyev idarə etdiyi "Ford" markalı mikroavtobusla Bakı istiqamətində hərəkətdə olarkən idarəetməni itirib və dəmir arakəsmələrə çırpılıb. Hadisə zamanı sürcü və mikroavtobusda olan iki nəfər sərnişin xəsarət alıb. 

Qeyd edək ki, sərnişin mikroavtobusuna çiyələk və gilas yüklənərək Bakıya satış məqsədi üçün gətirilirmiş. Hadisəyə səbəb mikroavtobusun arxa təkərinin partlaması olub.