Daha bir futbolçu avtomobil qəzası keçirdi - Vəziyyəti kritikdir

Ötən gün Dioqu Jotanın avtomobil qəzasında həyatını itirməsi ilə futbol dünyası şoka düşüb.

Avtosfer.az xəbər verir ki, daha bir futbolçu qəzaya uğrayıb. "Legiya"nın 17 yaşlı oyunçusu Ksaveri Ejevski avtomobil qəzası nəticəsində hospitala aparılıb. Onun vəziyyəti ağırdır, maşında olan bacısı isə hadisə yerində ölüb.

İlkin təxminlərə görə, qəzaya sürət həddinin aşılması səbəb olub. Avtomobil yoldan çıxaraq, ağaca çırpılıb.

Xatırladaq ki, ötən gün "Liverpul"un futbolçusu Dioqu Jota və qardaşı maşın qəzasında dünyasını dəyişmişdilər.