Daha iki piyada həlak olub

Nərmanov rayonunda yol qəzası baş verib. Avtosfer.az-ın DİN-nin saytına istinadən xəbərə görə,hadisəbu axşam saat 1 radələrində H.Əliyev prospektində baş verib. Hacıqabul rayon sakini Cavid Zalıyev idarə etdiyi “MAN” markalı avtomobillə yolu keçən 35-40 yaşlı kişini vurub. Nəticədə həmin şəxs hadisə yerində ölüb.

Digər piyada Gəncə şəhərində həlak olub. Hadisə noyabrın 22-də saat 18 radələrində qeydə alınıb. Şəhər sakini Vüqar Rubəxşi idarə etdiyi “Mercedes” markalı avtomobillə yolu keçən həmyerlisi Zəhra Kərimovanı vurub. Nəticədə xəstəxanaya yerləşdirilən piyada orada ölüb.

Hər iki faktla bağlı araşdırma aparılır.