Dairəvi yolda maşın qadını vurub öldürdü

Bakı Dairəvi-1 avtomobil yolunda piyadanın ölümü ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən xəbərinə görə, təxminən 40-45 yaşlı qadın yolun Yasamal rayonu ərazisinə düşən hissəsində naməlum markalı avtomobil tərəfindən vurulub. Yaralı hadisə yerində keçinib. Bu, 1974-cü il təvəllüdlü Əliyeva Rənuziyə Xıdır qızıdır. Hadisəni minik avtomobili törədib. Sürücü Yasamal Rayon Polis İdarəsinin əməkdaşları tərəfindən saxlanılıb.

Faktla bağlı Yasamal Rayon Polis İdarəsində araşdırma aparılır.