Dəhşət: Piyadanın başı maşının salonuna girdi - BOYNU ÜZÜLDÜ

Bakıda vurulan piyadanın boynu üzülüb. Avtosfer.az "Report"a istinadən xəbər verir ki, hadisə Sabunçu rayonu Zabrat qəsəbəsi, Şəhər şosesində qeydə alınıb. Belə ki, İsa Ağazadə idarə etdiyi 90 VL 279 dövlət qeydiyyat nişanlı "Hyundai" markalı avtomobillə hərəkət edən zaman piyada 48 yaşlı Səmədov İsmayıl Ağa oğlunu vurub. Zərbə o qədər güclü olub ki, İ.Səmədovun başı avtomobilin qabaq alın şüşəsini sındıraraq salona girib. Nəticədə onun boyun nahiyəsi kəsilib. Sürücü İ.Ağazadə piyadanı xəstəxanaya çatdırıb. Lakin İ.Səmədovun öldüyü müəyyən olunub.

Faktla bağlı araşdırma aparılır.