Dəhşətli avtomobil qəzasında - 9 ölü, 3 yaralı

Rusiyanın Yakutiya Respublikasının “Kolıma” avtomobil şosesində baş verən qəzada 9 nəfər həlak olub, 3 nəfər isə xəsarət alıb. Avtosfer.az “Report”a istinadən xəbər verir ki, bu barədə respublikanın FHN-dən bildiriblər. “Son məlumatlara görə, 9 nəfər ölüb, onlar arasında 2 yaşlı uşaq da var. Xəsarət alan üç nəfər xəstəxanadadır”, - deyə nazirlikdən bildirilib. Ehtimala görə, qəzaya səbəb mikroavtobusun əks hərəkət zolağına çıxması ola bilər. Xəsarət alan üç nəfərdən biri reanimasiya şöbəsinə yerləşdirilib. Faktla bağlı cinayət işi açılıb.