Dəhşətli yol qəzasında 5 nəfər öldü - FOTO

Türkiyənin Tekirdağ bölgəsində ölümlə nəticələnən ağır yol qəzası baş verib. Avtosfer.az yerli KİV-lərə istinadən xəbər verir ki, hadisə oktyabrın 21-də səhər saatlarında Ergene rayonunda qeydə alınıb.

Belə ki, Edirne istiqamətində hərəkətdə olan Cenk Varnalı idarə etdiyi 59-FV-888 nömrə nişanlı minik avtomobili eyni istiqamətdə hərəkətdə olan Ö.A.-nın idarə etdiyi ağır iş texnikasına arxadan çırpılıb.

Zərbənin təsirindən minik avtomobili deformasiyaya uğrayıb və yanıb.

Qəza nəticəsində avtomobildə olan 5 nəfər hadisə yerində ölüb.

Faktla bağlı cinayət işi açılıb, araşdırma aparılır.

Namiq Musayev