Dekan müavininin maşınına ciddi zərər vurdu - Güclü külək

Bu gün təbii fəlakət Bakı Dövlət Universitetinin Jurnalistika fakültəsinin dekan müavini Sevinc Alıyevanın "Hyundai Accent" markalı avtomobilinə ciddi zərər vurub. 

Belə ki, Sumqayıt şəhərində güclü külək əsməsi nəticəsində şam ağacı qırılaraq avtomobilin üst hissəsini əzib. Avtosfer.az xəbər verir ki, bu barədə dekan müavini Sevinc Alıyeva modern.az-a hadisə ilə bağlı bunları deyib:  "Güclü külək nəticəsində şam ağacı qırılıb maşının üstünə düşüb. Nəticədə maşınımın lyuk hissəsi əzilib və qapının tutacaqları da sıradan çıxıb".

S.Alıyeva bildirib ki, maşının sığortası yoxdur.