Dəmir yolunda hadisə - Yolu keçməyə tələsdi... - VİDEO

Qatarların hərəkətdə olduğu relslərin üstündən keçmək istəyən sərnişin az qala həyatından olacaqdı. Avtosfer.az atv.az-a istinadən xəbər verir ki, Avstraliyanın Melburn şəhərində lentə alınan bu kadrlar ölkədə ciddi rezonans yaradıb. Müşahidə kamerasına düşən görüntülərdə sərnişinin ölümdən saniyə fərqi ilə xilas olduğu əksini tapır. Relslərin qarşı tərəfinə keçmək üçün qatarın getməsini gözləyən sərnişin əks istiqamətdə başqa qatarın yaxınlaşdığından xəbərsiz olub. Əmin addımlarla relsləri keçən avstrasliyalı, yolun sonunda acı sürprizlə üzləşib. İrəliyə yol olmadığından geri qaçmalı olan şəxs cüzi zaman fərqi ilə qatarın altında əzilməkdən xilas olub. Görüntüləri yayan dəmiryolu idarəsi, sərnişinlərdən platformalarda maksimum ehtiyatlı olmağı tələb edib. Bu görüntülər son bir il ərzində qeydə alınan 455 oxşar hadisədən sadəcə biridir.