Dənizində qəzaya uğramış təyyarənin parçaları tapılıb

ABŞ hərbi-dəniz qüvvələri ötən ilin noyabrında Filippin dənizində qəzaya uğramış nəqliyyat təyyarəsinin parçalarını aşkar edib. Avtosfer.az Azərtac-a istinadən xəbər verir ki, ABŞ-ın yeddinci donanmasının yaydığı məlumata əsasən, sualtı mütəxəssislər qrupu yanvarın 5-də “С-2А Greyhound” nəqliyyat təyyarəsinin radio mayakını aşkar ediblər. Təyyarənin parçaları 5640 metr dərinlikdə yerləşir. Xatırladaq ki, xilasedici qrup ötən ilin dekabrından axtarış işlərinə başlayıb. Təyyarə noyabrın 22-də Yaponiyanın qərbində yerləşən İvakuni hərbi bazasından ABŞ hərbi-dəniz qüvvələrinə məxsus “Ronald Reagan” aviadaşıyıcısına uçarkən qəzaya uğramışdı.