Dərnəgül yolunda sürücü piyadanı vurub - FOTO

Bakıda Koroğlu metro stansiyası yaxnlığında piyadanın vurulması hadisəsi qeydə alınıb. Avtosfer.az “Qafqazinfo”ya istinadən xəbər verir ki, hadisə Koroğlu metrosundan Dərnəgül istiqamətində gedən yolda baş verib. 10-LO-787 dövlət qeydiyyat nömrə nişanlı “Mercedes” markalı avtomobil orta yaşlı qadını vurub. Yaralı piyada ətrafdakıların köməkliyi ilə sürücünün avtomobilinə yerləşdirilərək xəstəxanaya çatdırılıb. Qeyd edək ki, qəza baş verən ərazidə yolun hər iki tərəfində avtobus dayanacağı olsa da, piyada keçidi yoxdur.