DİN 4 nəfərin öldüyü qəzalarla bağlı məlumat yaydı

Daxili İşlər Nazirliyi Şabran və Qaradağ rayonlarında baş vermiş ağır yol qəzaları ilə bağlı məlumat yayıb. Avtosfer.az nazirliyin saytına istinadən xəbər verir ki, iyunun 4-də saat 03 radələrində Şabran rayonunun Gəndob kəndində Sumqayıt şəhər sakini Emin Əhmədovun idarə etdiyi “DAF” və Xaçmaz rayon sakini Ramazan Hüseynovun idarə etdiyi “Ford” markalı avtomobillər toqquşub. Nəticədə R.Hüseynov və sərnişini - Xaçmaz rayon sakini Ağarza Bədəlov hadisə yerində ölüb. İyunun 4-də saat 16 radələrində isə Qaradağ rayonunun Səngəçal qəsəbəsində Salyan rayon sakini Natiq Yəhyayevin idarə etdiyi “Daihatsu” və Şəmkir rayon sakini Ramin Əmiraslanovun idarə etdiyi “Mercedes” markalı avtomobillər toqquşub. Nəticədə R.Əmiraslanovun sərnişinləri - anası Nanə və Şəmkir rayon sakini Röya Əmiraslanova hadisə yerində ölüblər.

Hər iki faktla bağlı Baş İstintaq və Təhqiqat İdarəsi tərəfindən araşdırma aparılır.