DİN Qubada ölümlə nəticələnən hadisə ilə bağlı məlumat yayıb
Qəzalar
22 Oktyabr 2016 13:11
Oxunub 1388
Baş İstintaq və Təhqiqat İdarəsi tərəfindən araşdırma aparılır
Quba rayonunda baş verən yol-nəqliyyat hadisəsi zamanı 5 nəfər xəsarət alıb, 1 nəfər ölüb. Daxili İşlər Nazirliyi (DİN) Quba rayonunda ölümlə nəticələnən hadisə ilə bağlı məlumat yayıb.
Avtosfer.az xəbər verir ki, məlumatda bildirilib ki, Quba rayonunun Vladimirovka kəndində rayon sakini Habil Muradovun idarə etdiyi “VAZ-2106” və Qusar rayon sakini Bəxtiyar Sadirovun idarə etdiyi “AzSamand” markalı avtomobillər toqquşub.
Nəticədə B.Sadirovun sərnişinlərindən Rusiya Federasiyası vətəndaşı Lida Madirsultanova hadisə yerində ölüb, digər 2 sərnişini, habelə H.Muradovun 1 sərnişini, eləcə də hər 2 sürücü xəstəxanaya yerləşdirilib.
Baş İstintaq və Təhqiqat İdarəsi tərəfindən araşdırma aparılır.
ŞƏRH YAZ
DİGƏR XƏBƏRLƏR
