DİN Sumqayıtdakı ağır yol qəzası ilə bağlı məlumat yaydı

Sumqayıt şəhəri Sülh küçəsində yol-nəqliyyat hadisəsi baş verib. Daxili İşlər Nazirliyindən Avtosfer.az-a verilən məlumata görə, oktyabrın 9-da saat 2 radələrində Sumqayıt şəhəri Sülh küçəsində şəhər sakini Orxan Məmmədov idarə etdiyi “Volkwagen” markalı avtomobili yolun kənarındakı işıq dirəyinə vurub. Qəzanın baş verməsi nəticəsində sürücü və 2 sərnişini xəstəxanaya yerləşdirilib, onlardan İ.Babayev orada ölüb. Sumqayıt ŞPİ tərəfindən hadisə ilə bağlı araşdırma aparılır.