Dörd avtomobil toqquşdu: 10 ölü, 1 yaralı  

Çinin cənubundakı Quans-Çjuansk muxtar rayonunda ağır yol qəzası baş verib. Avtosfer.az-ın "Report"a istinadən məlumatına görə, Nannin şəhərindəki dairəvi yolda 4 avtomobilin toqquşması nəticəsində 10 nəfər ölüb, 1 nəfər xəsarət alıb. Qəzaya uğramış avtomobillərdən 3-ü yük, 1-i isə minik avtomobilidir. Hadisə ilə əlaqədar ərazidə hərəkət müvəqqəti olaraq məhdudlaşdırılıb. Qəzanın başvermə səbəblərini araşdırmaq üçün xüsusi işçi qrup yaradılıb. Təhqiqat aparılır.