Dörd avtomobil toqquşdu: 3 nəfər öldü, xeyli sayda yaralı var

Rusiyanın Saratov vilayətində 4 avtomobilin toqquşması ilə nəticələnən ağır yol qəzası baş verib. Avtosfer.az apa-ya istinadən bildirir ki, qəza Sızran-Saratov-Volqoqrad yolunun 33-cü kilometrində qeydə alınıb. "KamAZ" markalı yük avtomobili 3 minik avtomobil ilə toqquşub. Hadisə nəticəsində biri uşaq olmaqla 3 nəfər ölüb, 6 nəfər xəsarət alıb. Hadisə yerində polis və xilasedicilər işləyirlər. Qəzanın səbəbləri müəyyənləşdirilir.