Dünyanın ən böyük təyyarəsi Leypsiq aeroportunda yandı

Almaniyanın Leypsiq şəhərinin aeroportunda dünyanın ən böyük təyyarəsi olan An-225 "Mriya" təyyarəsinin mühərriklərindən biri yanıb.

Avtosfer.az apa-ya istinadən verdiyi məlumata görə, yanğının söndürülməsinə doqquz yağınsöndürmə heyəti cəlb olunub. Yanğının qarşısı 15 dəqiqə ərzində alınıb.

Məlumatda bildirilir ki, təyyarə Çiliyə uçmağa hazırlaşırmış.

1988-ci ildə SSRİ-də istehsalına başlanan reaktiv yük təyyarəsi olan An-225 "Mriya" dünyada ən böyük təyyarə hesab olunur.