Düzgün ara məsafəsi saxlamayan “VAZ” sürücüsü “Toyota”nı vurdu - REAL VİDEO

Paytaxtın Heydər Əliyev prospektində baş vermiş yol qəzası anbaan kameraya düşüb.

Avtosfer.az-ın məlumatına görə, hadisə noyabrın 13-də saat 18:39 radələrində qeydə alınıb. Kadrdan göründüyü kimi, “Fiat Doblo” markalı avtomobilin sürücüsü hərəkətdə olduğu zolaqdan qəfil sağa keçir. Bu zaman arxadan gələn “VAZ-2106” markalı nəqliyyat vasitəsinin sürücüsü düzgün ara məsafəsi saxlamadığı üçün maneəni vaxtında qiymətləndirə bilmir və öndə dayanmış “Toyota” markalı avtomobilə çırpılır. Hadisə nəticəsində hər iki maşına maddi ziyan dəyir.

Qeyd edək ki, ara məsafəsinin düzgün təyin olunması şəhərdaxili yollarda ən vacib təhlükəsizlik şərtlərindən biridir. Xüsusilə sürət dəyişkənliyi olan magistral yollarda sürücünün qarşıdakı avtomobilin manevrini əvvəlcədən görməsi və reaksiya verməsi üçün kifayət qədər məsafə saxlaması tələb olunur.

Nərmin