Düzgün dönə bilməyən sürücü dayanmış maşını vurub qaçdı - VİDEO

Bakıda qəza törədən sürücünün görüntüsü anbaan kameraya düşüb. Avtosfer.az xəbər verir ki, 77-TR-583 qeydiyyat nişanlı "Toyota" markalı avtomobilin sürücüsü sağa dönən zaman ara məsafəsini düzgün seçmədiyi üçün qəzaya səbəb olub. O, yolun kənarında park edilmiş "Chevrolet" markalı avtomobilin arxasına sürtərək zərər vurub. Daha sonra isə heç nə olmamış kimi hadisə yerindən yayınıb.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.6-cı maddəsilə 4 bal 100 manat məbləğində cərimə oluna bilər.

Fərid