DYP qəza törədib hadisə yerindən qaçan sürücünü cəzalandırdı - VİDEO - YENİLƏNİB

Bakı şəhər Dövlət Yol Polisi İdarəsinin baş inspektoru Rüstəm Əhmədli Avtosfer.az-a bildirib ki, sözügedən avtomobilin sürücüsü DYP əməkdaşları tərəfindən saxlanılıb və barəsində qanunamüvafiq tədbir görülüb.
***

29 iyul 2024
Bakıda qəza törədən sürücünün görüntüləri anbaan kameraya düşüb. Avtosfer.az xəbər verir ki, hadisə iyulun 23-də, paytaxtın Nizami rayonu, Tofiq Abbasov küçəsində (3 saylı Asan Kommunal Mərkəzinin yanında) baş verib.

Belə ki, 99–EL—076 qeydiyyat nişanlı "Mercedes" markalı avtomobilin sürücüsü yolun kənarında dayanan 90-TO-180 qeydiyyat nişanlı "Hyundai Elantra" markalı avtomobili vurub, daha sonra isə hadisə yerini tərk edib.

Qəza nəticəsində "Hyundai" markalı avtomobilin qapısı və qanad hissəsi əzilib.

Zərəçəkmiş şəxs həmin sürücünün tapılıb məsuliyyətə cəlb edilməsini və dəymiş zərərin ödənilməsini xahiş edir.

Fərid