"Əhmədli"də qadını maşın vurub

Bakının Xətai rayonunda piyadanın vurulması ilə nəticələnən yol qəzası baş verib. Metronun "Əhmədli" stansiyasının yaxınlığında yolu keçmək istəyən 1952-ci il təvəllüdlü Hüseynova Şəmsiyyə Ağahüseyn qızını minik avtomobili vurub. Yaralı sürücünün köməkliyi ilə Respublika Neyrocәrrahiyә Xәstәxanasına yerləşdirilib. Faktla bağlı Xətai Rayon Polis İdarəsində araşdırma aparılır.