Əks istiqamətə dönən maşın TIR-la toqquşdu: bir ailənin 3 üzvü yaralandı - VİDEO

Türkiyənin Kastamonu bölgəsində iki nəqliyyat vasitəsinin iştirakı ilə yol qəzası baş verib. Avtosfer.az xəbər verir ki, hadisə Tosya rayonunda qeydə alınıb.

Məlumata görə, hərəkətdə olan minik avtomobili sürücünün sükan idarəetməsini itirməsi səbəbindən yolun əks istiqamətinə dönüb və hərəkətdə olan TIR-la toqquşub.

Zərbənin təsirindən TIR avtomobili bir neçə metrə sürükləyib.

Nəticədə avtomobildə bir ailədən olan biri ağır olmaqla, 3 nəfər (ər, arvad və körpə uşaq) xəsarət alıb.

Yaralılar, ilkin tibbi yardım göstərildikdən sonra ambulanslarla Tosya Dövlət Xəstəxanasına aparılıb.

Faktla bağlı araşdırma aparılır.

Namiq Musayev