Əks yola çıxan sürücü zəncirvari qəza törədib maşını aşırdı - VİDEO

Göyçay rayonu, Üngütlü kəndində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 15-də səhər saatlarında qeydə alınıb. Belə ki, hərəkətdə olan 90-KU-475 dövlət nömrə nişanlı “Daewoo”, “Nissan” və “Mercedes” markalı avtomobillər toqquşub. Qəzaya səbəb “Daewoo” sürücüsünün əks istiqamətli yola çıxması olub. Nəticədə onunla toqquşmamaq üçün “Nissan” sürücücü ani tormozlama edib və bu zaman arxadan gələn “Mercedes” ona çırpılıb. Hadisə nəticəsində “Daewoo” yol kənarına aşıb, digər nəqliyyat vasitələrinə də maddi ziyan dəyib. Xoşbəxtlikdən xəsarət alan olmayıb.

Qeyd edək ki, əraziyə polis əməkdaşları cəlb olunub.

Faktla bağlı araşdırma aparılır. 

Nərmin