Əks yola çıxan “Suzuki mikroavtobusla toqquşdu: 7 nəfər öldü – VİDEO

Rusiyada iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyulun 16-da Novosibirsk vilayətində, K17r federal magistralının 291-ci km-də qeydə alınıb. 
İlkin məlumata görə, 1986-cı il təvəllüdlü sürücü “Suzuki SX4” markalı avtomobillə Novosibirsk şəhərindən Krasnozerskoye qəsəbəsi istiqamətində hərəkətdə olub. Ötmə zamanı o, qarşı zolağa çıxaraq “Toyota Sprinter” markalı mikroavtobusla toqquşub.
Qəza nəticəsində hər iki sürücü və onların beş sərnişini dünyasını dəyişib. “Toyota Sprinter”in 2024-cü il təvəllüdlü azyaşlı sərnişini tibb müəssisəsinə yerləşdirilib.
Faktla bağlı cinayət işi açılıb, araşdırma aparılır.

Namiq Musayev