Ekvadorda təyyarə qəzası: 22 nəfər ölü

Ekvadorun şərqində hərbi təyyarənin qəzaya uğraması nəticəsində 22 nəfər ölüb.

Avtosfer.az apa-ya istinadən bildirir ki, bu barədə ölkə prezidenti Rafael Korrea "Tvitter" səhifəsində bildirib.  

İnsident ölkənin Pastasa əyalətində qeydə alınıb.

"Sağ qalan olmayıb. Onlar vətənimizin 22 əsgəri idi. Bu əsl faciədir", - deyə Korrea səhifəsində qeyd edib.

Məlumata görə, təyyarənin göyərtəsində 19 desant əsgər, iki pilot və bir mexanik olub.