Əlcəzairdə sərnişin avtobusu aşdı: 6 ölü, 22 yaralı

Əlcəzairin Konstantin vilayətində sərnişin avtobusunun yoldan çıxaraq dərəyə aşması nəticəsində 6 nəfər ölüb, 22 nəfər yaralanıb.

Avtosfer.az HaberGlobal-a istinadla xəbər verir ki, hadisə ölkənin şimal-şərqində yerləşən 79 nömrəli magistral yolda baş verib. Yaralılar hadisə yerində ilkin tibbi yardım aldıqdan sonra yaxınlıqdakı xəstəxanalara çatdırılıblar.

Faktla bağlı xilasetmə işləri davam edir.