Elektrovozda baş verən nasazlıq qatarların qrafikinə təsir edib - Ucarda

Azərbaycanda qatarların hərəkətində gecikmə baş verib. Avtosfer.az xəbər verir ki, “Azərbaycan Dəmri Yolları” QSC-nin Mətbuat Katibliyinin rəisi Nadir Əzməmmədovun verdiyi məlumata görə, buna Şəki istiqamətindən hərəkət edən qatarda yaranmış nasazlıq səbəb olub.

"Ucar rayonu ərazisində yerləşən Əlikənd stansiyasında elektrovozun təkərində yaranan texniki nasazlığa görə yol bağlanıb, ona görə də qatarların hərəkətində gecikmə olub. Elektrovoz qaldırıldıqdan sonra hərəkət bərpa olunub", - deyə N. Əzməmmədov bildirib.

N.Əzməmmədov əlavə edib ki, texniki nasazlığa görə, digər istiqamətdə hərəkət edən qatarların hərəkətində də gecikmələr olub.