Ərəb turistlər İsmayıllıda qəzaya düşdülər, 3 yaralı – FOTO+VİDEO

Avqustun 30-da İsmayıllı rayonu ərazisində “Hyundai” markalı sərnişin avtobusu aşıb. Baş Dövlət Yol Polisi İdarəsindən Avtosfer.az-a bildiriblər ki, hadisə nəticəsində avtobusda olan sərnişinlərdən üçü xəsarət alıb. Yaralılara xəstəxanada tibbi yardım göstərilib. İlkin məlumata görə, avtobusda olan sərnişinlər arasında ərəb turistlər də olub. Hadisəyə sürücünün idarəetməni itirməsinin səbəb olduğu bildirilir. Faktla bağlı cinayət işi başlanıb, araşdırma aparılır. Baş Dövlət Yol Polisi İdarəsi sürücülərə bir daha müraciət edərək yollarda təhlükəsizliyi təmin etməyə və diqqətli olmağa çağırır.